"Бавария" президенти Герберт Хайнер "Тоттенхэм" ҳужумчиси Харри Кейнга бўлган қизиқиш ҳақидаги миш-мишларга муносабат билдирди.
"Ҳозир "Бавария"да ажойиб жамоа бор. Футболчиларимизнинг ўртача ёши 25-26 ёш. Кўпчилик футболчилар билан узоқ муддатли шартномалар бор, ҳаммаси жойида. Биз таркибимизни мустаҳкамлаш учун кейинги қадамларни хавфсиз режалаштиришимиз мумкин. Кейннинг исми муҳокама қилинганми? Йўқ. Лекин биз ҳеч қандай босимсиз, умуман бозорни кузатишда давом этамиз. Бизнинг ҳужумимиз юқори даражада”, - деди Хайнер Bayern & Germany билан суҳбатда.
Харри Кейн 2011 йилдан бери "Тоттенхэм"да ўйнаб келмоқда. Футболчининг Лондон клуби билан шартномаси 2024 йилгача мўлжалланган.
