"Ренн" "ПСЖ" ҳужумчиси Арно Калимуэндо билан шартнома имзолаганини эълон қилди. Франциялик ҳужумчининг янги клуби билан шартномаси 5 мавсумга мўлжалланган.

“Калимуэндо “Ренн”ни танлади ва бунинг учун катта ирода кўрсатди. Биз ҳужумни кучайтирмоқчи эдик. Трансфер ойнаси тугагунига қадар юзага келиши мумкин бўлган барча кутилмаган вазиятларни бартараф этиш учун қўшимча ўйинчини олиб келиш муҳим эди. У биз билан эканлигидан хурсандмиз", - дея Франция клуби техник директори Флориан Мориснинг сўзларидан иқтибос келтирди "Ренн" матбуот хизмати.

20 ёшли Калимуэндо ўтган мавсумда "Ланс"да ижарада ўйнаганди. Ҳужумчи француз клуби сафида барча мусобақаларда 38 та ўйинда 13 та гол урган.