"Renn" "PSJ" hujumchisi Arno Kalimuendo bilan shartnoma imzolaganini e’lon qildi. Fransiyalik hujumchining yangi klubi bilan shartnomasi 5 mavsumga mo‘ljallangan.
“Kalimuendo “Renn”ni tanladi va buning uchun katta iroda ko‘rsatdi. Biz hujumni kuchaytirmoqchi edik. Transfer oynasi tugaguniga qadar yuzaga kelishi mumkin bo‘lgan barcha kutilmagan vaziyatlarni bartaraf etish uchun qo‘shimcha o‘yinchini olib kelish muhim edi. U biz bilan ekanligidan xursandmiz", - deya Fransiya klubi texnik direktori Florian Morisning so‘zlaridan iqtibos keltirdi "Renn" matbuot xizmati.
20 yoshli Kalimuendo o‘tgan mavsumda "Lans"da ijarada o‘ynagandi. Hujumchi fransuz klubi safida barcha musobaqalarda 38 ta o‘yinda 13 ta gol urgan.