"Аталанта" ярим ҳимоячиси Ремо Фройлер фаолиятини Англиянинг "Ноттингем Форест" жамоасида давом эттиради. Бу ҳақда италиялик журналист Фабрицио Романо ижтимоий тармоқлардаги саҳифасида хабар бермоқда.
Инсайдер хабарига кўра, клублар 11 миллион евролик келишувга эришган. Швейцариялик футболчининг клуб билан шартномаси 2025 йилнинг июнига қадар мўлжалланган.
30 ёшли Фройлер ўтган мавсум Италия А сериясида 29 ўйин ўтказди. Унинг ҳисобида битта гол ва учта голли узатма бор.