"Atalanta" yarim himoyachisi Remo Froyler faoliyatini Angliyaning "Nottingem Forest" jamoasida davom ettiradi. Bu haqda italiyalik jurnalist Fabrisio Romano ijtimoiy tarmoqlardagi sahifasida xabar bermoqda.
Insayder xabariga ko‘ra, klublar 11 million yevrolik kelishuvga erishgan. Shveysariyalik futbolchining klub bilan shartnomasi 2025 yilning iyuniga qadar mo‘ljallangan.
30 yoshli Froyler o‘tgan mavsum Italiya A seriyasida 29 o‘yin o‘tkazdi. Uning hisobida bitta gol va uchta golli uzatma bor.