"ПСЖ" бош мураббийи Кристоф Галтье "Монпеле"га қарши Франция чемпионати 2-тур учрашуви олдидан ўтказилган матбуот анжуманида ҳужумчи Килиан Мбаппенинг соғлиги ҳақида маълум қилди.
“Бизда Килиан Мбаппени жамоага қўшишда муаммо йўқ. Бундай футболчига эга бўлиш - шараф. Суперкубок ўйинида дисквалификация қилингани ва "Клермон"га қарши лига ўйинидан олдин жароҳатлангани ҳисобга олинса, у мавсумга бироз кечди. Унинг ўйин амалиёти йўқ, лекин у аллақачон формада. Ўтган ҳафта содир бўлган оғриқ бутунлай йўқолди. Сўнгги кунларда машғулотлар жарайонида Мбаппе жуда динамик ҳаракат қилмоқда", - дея Галтьенинг сўзларини келтиради "ПСЖ" расмий сайти.
