Дортмунднинг "Боруссия" клуби ҳимоячиси Мануэль Аканжи фаолиятини Италияда давом эттириши мумкин, дея хабар беради журналист Жанлука Ди Марцио.
Манба берган хабарга кўра, 27 ёшли швейцариялик футболчига "Монца"га кетган Андреа Раноккияга ўринбосар қидираётган "Интер" даъвогарлик қилмоқда. Шунингдек, Милан клуби "Лацио" ҳимоячиси Франческо Ачербини ҳам ўз сафига қўшиб олмоқчи.
Аканжи ўтган мавсумда "Боруссия" сафида 35 ўйинда майдонга тушиб, битта гол урган. Transfermarkt портали футболчининг нархини 30 миллион еврога баҳоламоқда.