"Арсенал" ҳимоячиси Габриэль дос Сантос Туриннинг "Ювентус" клуби томонидан бўлаётган қизиқиш ҳақида фикр билдирди.
Эслатиб ўтамиз, "кекса синьора" қишдан бери футболчини қўлга киритишга ҳаракат қилмоқда.
"Ювентус" томонидан бўлаётган қизиқиш? Бу қизиқиш учун жуда миннатдорман, лекин ҳозир асосий эътибор “Арсенал”га қаратилган. Мен бу ерда жуда бахтлиман. Мен жамоадошларим билан яхши муносабатларга эгаман ва мен клубнинг лойиҳасига тўлиқ содиқман. Ишончим комилки, биз кўп нарсага эриша оламиз", - деди дос Сантосдан Sky Sports билан суҳбатда.
Габриэль 2020 йилнинг ёзида Франциянинг “Лилль” жамоасидан Лондоннинг “Арсенал” клубига ўтган эди. Ўтган мавсумда бразилиялик футболчи Англия Премьер-лигасида 5 та гол урди.