"Челси" бош мураббийи Томас Тухель "Лестер" клубининг марказий ҳимоячиси Уэсли Фофананинг жамоага қўшилиши мумкинлиги ҳақидаги миш-мишларга изоҳ беришдан бош тортди.
"Кечирасиз, лекин мен ҳеч нарсага изоҳ бермайман. Саволингиз қанчалик тўғри бўлмасин, мен жавоб бермайман”, — деди Тухель матбуот анжуманида.
Олдинроқ Британиянинг The Telegraph нашри "Лестер" фақатгина "Челси" футболчини футбол тарихидаги энг қиммат марказий ҳимоячига айлантиришга рози бўлса, Фофанани қўйиб юборишга тайёр бўлишини хабар қилганди.
Эслатиб ўтамиз, айни пайтда энг қиммат марказий ҳимоячи Виржил ван Дейк бўлиб, у 2018 йилда "Саутгемптон"дан "Ливерпул"га деярли 85 миллион евро эвазига кўчиб ўтганди.
22 ёшли Фофана "Челси"га ўтишни истайди ва "Лестер" раҳбариятидан ўзининг кетишини тезлаштириш учун босим ўтказмоқда.
