"ПСЖ" ҳимоячиси Нуну Мендеш яна кўп йилларини парижликлар таркибида ўтказишига ишонч билдирди.
Эслатиб ўтамиз, ўтган мавсумда ижарадан сўнг парижликлар португалиялик футболчини Лиссабоннинг "Спортинг" клубидан 40 миллион еврога эвазига сотиб олишган эди.
"Мен ҳар доим клуб учун боримни беришга тайёрман. "ПСЖ"да яна кўп йилларни ўтказаман. Умид қиламанки, ҳаммаси яхши бўлади, чунки мен бу ерда ўйнашни яхши кўраман", — деди Мендеш "ПСЖ" телеканалига берган интервьюсида.
Ўтган мавсумда Мендеш Франция чемпионатида 27 та ўйин ўтказиб, битта голли узатмани амалга оширган. Лига 1ни янги мавсумининг биринчи турида “Клермон”га қарши ўйинда футболчи 78 дақиқа майдонда ҳаракат қилди.
