"Манчестер Юнайтед" бош мураббийи Эрик тен Хаг ҳужумчи Криштиану Роналду АПЛнинг 2-турида "Брентфорд"га қарши учрашувда "қизил иблислар"нинг асосий таркибида майдонга тушиши ҳақида маълумот беришни хоҳламади.
"Роналду бир ҳафта машғулот ўтказди, аммо у ҳозиргача атиги иккита 45 дақиқалик ўйин ўтказди. Эртага у бошланғич тарқибда майдонга тушадими ёки йўқми, кўрамиз. Агар унинг келажаги ҳақида гапирадиган бўлсак, менинг қарорим ўз кучида қолади - мен Криштиануни жамоада сақлаб қолмоқчиман", - деди Тен Хаг матбуот анжуманида.
Эслатиб ўтамиз, Криштиану Роналду "Манчестер Юнайтед"ни трансфер ойнаси тугагунига қадар тарк этмоқчи, бироқ португалиялик футболчида ҳали фаолиятини давом эттириш борасида якуний қарорга келгани йўқ.
