Бугун France Football журнали ўтган мавсум натижаларига кўра "Олтин тўп"га даъвогар 30 нафар номзодни тақдим этди. Унга "ПСЖ" ҳужумчиси Лионель Месси киритилмаган.
Аргентиналик 2005 йилдан бери биринчи марта номзодларнинг якуний рўйхатига киритилмади.
Месси "Олтин тўп"нинг 7 карра соҳиби. У ўтган мавсумнинг энг яхши футболчиси соврини соҳиби ҳисобланади.
Ҳужумчи ортда қолган мавсумда парижликлар сафида барча мусобақаларда 34 та ўйинда майдонга тушиб, 11 та гол урди ва 15 та голли узатмани амалга оширди.