Франциянинг L'Equipe спорт нашри нима учун "ПСЖ" ҳужумчиси Лионель Месси "олтин тўп"га номзодлар рўйхатига киритилмаганини тушунтирди.
L'Equipe қайд этишича, бунга футболчининг "ПСЖ"даги биринчи мавсумдаги омадсизлиги сабаб бўлган. У ёмон спорт формасида эди, Франция чемпионатида 6 та гол урди ва Чемпионлар лигасининг 1/8 финалида турнирни тарк этди.
Месси "олтин тўп"нинг 7 карра соҳиби саналади. Ҳужумчи жаҳоннинг энг яхши футболчиси совринининг амалдаги соҳиби ҳисобланади.
"Олтин тўп"ни топшириш маросими 2022 йилнинг 17 октябрида бўлиб ўтади.