"Челси"нинг собиқ футболчиси Жо Коул "кўклар"нинг ёзги трансфер бозорида амалга оширган ишлари ҳақида фикр билдирди.
Эслатиб ўтамиз, пойтахтликлар сафига Калиду Кулибали, Карни Чуквуэмека, Рахим Стерлинг ва Марк Кукурелльялар келиб қўшилди.
"Челси" ажойиб трансферларни амалга оширди. Кўпгина мутахассислар шубҳа билан қарашмоқда, лекин мен уларга қўшилмайман. Бу трансфер ойнаси ҳали тугамади, лекин бу ёзги трансфер бозори "кўклар" учун ажойиб бўлди", - деди Коул Evening Standard билан суҳбатда.
Англия Премьер-лигасининг 2-тури доирасида Томас Тухель шогирдлари ўз майдонида “Тоттенхэм”ни қабул қилади. Учрашув 14 август якшанба куни бўлиб ўтади.
