Душанбе шаҳрида ўтказилган CAFA U19 championship мусобақасида иштирок этган Ўзбекистон ёшлар терма жамоаси иккинчи ўринни эгаллади.
Равшан Ҳайдаров бошчилигидаги жамоа сўнгги турда Афғонистон билан тўқнаш келиб, 1:1 ҳисобидаги дурангга имзо чекди. Натижада вакилларимиз мусобақада 1та ғалаба ва 3та дуранг қайд этган ҳолда 6 очко тўплашди.
Сўнгги турда Тожикистонни 4:0 ҳисобида мағлуб этган Эрон ёшлар жамоаси 8 очко билан мусобақа ғолибига айланди. Мезбонлар эса 6 очко билан бронза медалини қўлга киритишди.
Ўзбекистонлик ҳужумчи Шаҳриёр Жабборов турнирнинг энг яхши тўпурарига айланди (3 гол).
