Кеча АПЛнинг 2-туридан ўрин олган "Брентфорд" – "Манчестер Юнайтед" жамоалари ўзаро беллашди. Мезбонлар сенсацион тарзда "қизил иблислар"ни 4:0 ҳисобида мағлуб этишди.
Британиянинг The Mirror нашри учрашувдаги барча футболчиларнинг ҳаракатларини баҳолаб чиқди. Дарвозабон Давид де Хеа "манкунианликлар" сафида энг ёмон футболчи деб топилди. Маркус Рэшфорд ва Кристиан Эриксенлар эса энг юқори баллни олишди.
Криштиану Роналду эса беш баллик шкалада 2 баллга лойиқ деб топилди.
"У қўлларини юқорига кўтарди, қичқирди, чарчаган кўринди", - дейилади The Mirror нашрида чоп этилган мақолада.
Иккинчи турдан кейин “Манчестер Юнайтед” АПЛнинг турнир жадвалида сўнгги ўринда бормоқда.
