"Манчестер Сити" бош мураббийи Хосеп Гвардиола АПЛнинг 2-турида "Борнмут" устидан қозонилган йирик ғалаба ҳақида фикр билдирди. Испаниялик мутахассис шогирдлари 4:0 ҳисобида зафар қучди.
"Менинг шогирдларим яхши ўйин кўрсатишди. Рақиб уюшқоқ ҳимояда ўйнади, улар қисқа паслар билан ўзига тортди, кейин эса тактикасини ўзгартирди. Бу "Тоттенхэм"нинг услубига ўхшайди. Голдан кейин улар олдинга силжишни тўхтатдилар ва биз сабр қилишимиз керак эди. Бу осон бўлмади, лекин якунда уддасидан чиқдик", - деди Гвардиола клуб матбуот хизматига.
Навбатдаги ўйинни "шаҳарликлар" сафарда "Ньюкасл" жамоасига қарши ўтказади.
