"Зальцбург" ярим ҳимоячиси Моҳамед Камара фаолиятини Францияда давом эттириши мумкин, дея хабар беради журналист Фабрицио Романо.
Манбага кўра, "Монако" 22 ёшли малилик футболчи билан шартнома имзолашга яқин турибди. Қайд этилишича, монегаскликлар футболчи билан шартнома борасида келишиб олишган. Ярим ҳимоячи трансфердан олдин тиббий кўрикдан ўтган.
Камара ўтган мавсумда “Зальцбург” сафида 37 та ўйинда майдонга тушиб, 1 та гол ва 5 та голли узатмани амалга оширган.
Transfermarkt портали футболчининг нархини 27 миллион еврога баҳоламоқда.













