"Арсенал" ҳужумчиси Габриэль Жезус "Лестер" устидан қозонилган ғалабадан сўнг (4:2) "Манчестер Сити"даги фаолиятини эслади. Бразилиялик футболчи "шаҳарликлар" таркибида бахтли эмаслигини таъкидлади.
"Ҳозир мен жуда мамнунман. Биз кучли рақибни мағлуб этдик. "Манчестер Сити"да мен бахтли эмас эдим ва клуб буни тушунди. Мен шунчаки ўйнашни хоҳлайман" - деди ҳужумчи BBC Sport билан суҳбатда.
Эслатиб ўтамиз, кечаги ўйинда Габриэль иккита гол урди ва иккита голли узатмани амалга оширди.
Жезус шу ёзда "Арсенал"га 52 миллион евро эвазига ўтган эди. У 2027 йилнинг ёзига қадар меҳнат шартнома имзолади.
