"Тоттенхэм" ҳужумчиси Харри Кейн АПЛда Лондон дербиси тўпурарлари рўйхатида иккинчи ўринни эгаллаб турибди. Ҳужумчи ҳисобида 42 та гол бор.
Бу кўрсаткич бўйича Кейн "Арсенал"нинг собиқ ҳужумчиси Тьерри Анридан кейин иккинчи ўринда бормоқда, унинг ҳисобида 43 та гол бор.
Бундан ташқари, Кейн бир жамоа сафида Англия Премьер-лигасида гол уриш бўйича "Манчестер Сити"нинг собиқ ҳужумчиси Серхио Агуэронинг рекордини такрорлади.
14 август куни Кейн 2-тур доирасидаги "Челси"га қарши ўйинда (2:2) жамоасини мағлубиятдан қутқариб қолди ва 90+6-дақиқада ҳисобни тенглаштирди. Бу тўп унинг Премьер-лигадаги 184-тўпи бўлди. Агуэро "Манчестер Сити" сафида ўйнаб, айнан шундай натижани қайд этган.
