"Манчестер Юнайтед"нинг португалиялик ҳужумчиси Криштиану Роналду "Спортинг"га қайтишни истамоқда, деб хабар беради Correira Dello Sport.
Манбанинг хабарига кўра, футболчи жорий мавсумда Чемпионлар лигасида тўп тепадиган Лиссабон клубига ўтишдан манфаатдор. Бироқ, бунинг учун у молиявий талабларини сезиларли даражада камайтириши керак бўлади. Ҳозир у "Манчестер Юнайтед"да йилига 30 миллион еврога яқин маош олади ва Португалия клуби унга бу суммани тўлай олмайди.
37 ёшли Роналду жорий мавсумда “Манчестер Юнайтед” сафида иккита ўйинда майдонга тушиб, гол ура олмади. Унинг клуб билан шартномаси 2023 йилнинг ёзига қадар мўлжалланган.
