Мадриднинг “Реал” клуби бош мураббийи Карло Анчелотти ҳужумчи Марко Асенсионинг жамоадан кетиши мумкинлиги ҳақида гапирди.
"У "Реал Мадрид" футболчиси ва ҳозирча ҳеч нарса ўзгармади. Агар у ўйнашга лойиқ бўлса, таркибда бўлади. Биз унинг ўтган мавсумда қандай ишлар қилганини ҳисобга олишимиз керак, чунки у кўп гол урди. Марко жамоанинг муҳим ўйинчиси ва биз 31 августгача у нима қарор қилишини кутишимиз керак", - дея Анчелотти сўзларини келтирган клуб расмий сайти.
Асенсио ўтган мавсумда "Реал" сафида 42 та ўйинда майдонга тушиб, 12 та гол урди ва 2 та голга ассистентлик қилди.
