Мюнхеннинг “Бавария” клуби ҳужумчиси Томас Мюллер Германия чемпионатининг 2-турида “Вольфсбург” жамоасига қарши бўлиб ўтган учрашув ҳақидаги фикрлари билан ўртоқлашди. Амалдаги чемпион 2:0 ҳисобида ғалаба қозонди.
"Янги мавсумнинг илк ўйинини мухлисларимиз билан ўтказганимдан жуда хурсандман. Стадионда ақл бовар қилмайдиган муҳит ҳукм сурди, об-ҳаво ажойиб эди ва биз ғалаба қозондик. Ўз дарвозамиз даҳлсизлигини сақлаб қолдик ва бундан хурсандмиз. Кейинги ўйинга тайёргарликни бошлашни интиқлик билан кутяпман", - деди Мюллер клуб матбуот хизматига.
Бундеслиганинг 3-тури доирасида "Бавария" "Бохум" жамоаси билан беллашади.