"Челси" ҳужумчиси Армандо Броя тез орада клуб билан янада қулайроқ шартларда янги шартнома имзолаши мумкин. Бу ҳақда The Athletic нашри хабар бермоқда.
Броянинг "Челси" билан амалдаги шартномаси 2026 йилгача мўлжалланган, бироқ альбаниялик футболчи унга кўра ҳафтасига 10 000 евро маош олади. Бу кўрсаткич "кўклар"нинг иш ҳақи фондида охирги ўринлардан бирини эгаллайди.
Эслатиб ўтамиз, Броя аввалроқ Лондоннинг "Вест Хэм" клубига ўтиши мумкин эди, аммо "Челси" альбаниялик футболчини қўйиб юборишдан бош тортди. Натижада "болғачилар" "Сассуоло"дан Жанлука Скамаккани сотиб олишди, бу эса клубга 40 миллион еврога тушди.
