"Манчестер Юнайтед" футболчилари бош мураббий Эрик тен Хагнинг ҳимоячи Харри Магуайрни жамоа сардори сифатида қолиши қароридан норози бўлишди. Бу ҳақда Manchester Evening News журналисти Самуэль Лакхёрст хабар берди.
Манбага кўра, клуб англияликнинг етакчилик фазилатларига шубҳа қилмоқда. Қолаверса, айрим футболчилар Магуайрни клубнинг асосий таркибида ўйнамаслиги керак деб ҳисобламоқда.
Эслатиб ўтамиз, аввалроқ Криштиану Роналду "Манчестер Юнайтед" сардори бўлиши мумкин эди, аммо португалиялик футболчининг клубни тарк этиш истаги туфайли бу имконият энди эътиборга олинмаяпти.
