Ҳужумчи Андреа Белотти "Рома"га ултиматум қўйди: ё "жаларосси" шу ҳафта у билан шартнома имзолайди ёки у Туркиянинг "Галатасарой" ёки Франциянинг "Ницца" клубига ўтишга қарор қилади, деб хабар беради Tuttosport.
28 ёшли италиялик футболчи ҳозирда эркин агент ҳисобланади.
Бироқ Рим клуби футболчи билан фақат ҳужумчи Элдор Шомуродов сотилгандан кейингина шартнома туза олади.
28 ёшли Белотти ўтган мавсумда "Торино" сафида А Серияда 22 та ўйинда майдонга тушиб, 8 та гол урди ва голли узатмани амалга оширди. Ёзда у янги шартнома имзолашдан бош тортди ва Турин клубини тарк этди.
