"Челси" клубининг уч нафар хавфсизлик хизмати ходимлари Чемпионлар лигаси кубогини қўлларидан тушириб юбориб пачоқлаб қўйишди. Гап шундаки, улар кубокни ўз шахсий архивларида сақлаб юриш ва кейинчалик яқинларига кўрсатиш учун расмга олмоқчи бўлишган вақтда, ходимлардан бири қўлидан тушириб юборган. The Daily Mail нашрининг хабарига кўра, кубокни ўз ҳолига қайтариш ва тузатиш учун заргарга юборилган. 

Кўплаб жамоалар ишқибозлар расмга тушиши учун кубокни шиша мосламада алоҳида хонада сақлашга ҳаракат қилишади. Бироқ, "Челси" клуби кубокни Чемпионлар лигаси даваомида фаолият олиб борган клубнинг 400 кишилик бўлинмаларига ходимлар суратга тушишлари учун юборган.

Клуб расмийларидан бирининг айтишича: "Кубок ҳақиқатдан ҳам суратга олинаётган пайтда қўлдан тушириб юборилган.У озгина пачоқланган эди ва аллақачон тузатилди. Клуб хавфсизлик ходимларининг ушбу воқедаги иштироки ҳақида ҳеч нарса билмайман."