11-турда «Андижон» ўз уйида Ғузорнинг «Шўртан» клубини қабул қилишидан хабарингиз бор. Мазкур беллашувга қизиқиш юқори даражада десак муболаға қилмаган бўламиз. Чунки бу жамоаларнинг ҳар доимги ўйинлари ишқибозларда катта қизиқиш уйғотиб келади. Қолаверса, андижонликлар ўтган турда «Қизилқум» майдонидан 1:2 ҳисобидаги ғалаба билан қайтишди ва бу мухлисларни янада қувонтиргани бор гап.
Шунинг учун улар бу сафар севимли жамоасидан фақат ғалабани кутишмоқда. Жамоа аъзолари эса айни пайтда кўтаринки кайфиятда. Улар «Шўртан» билан ўйинни сабрсизлик билан кутишяпти. Шу ўринда таъкидлаш керакки, бу сафарги рақиб анча жиддий. Белоруссиялик Игор Криушенко устозлик қилаётган жамоа бундан аввалги турда ўз майдонида «Пахтакор»ни 3:1 ҳисобида мағлубиятга учратди. Демак, ҳар иккала жамоа ҳам яхши кайфиятда дея оламиз.
Мазкур клубларнинг ўзаро учрашувларидаги устунлик асосан «Андижон» томонида. Шу кунгача бўлиб ўтган 12та ўйиннинг 7тасида андижонликлар ғалаба қозонишган. «Шўртан» эса 3 марта рақиби устидан муваффақият қозонган. 2та беллашувда эса ғолиб жамоа номи аниқланмаган. «Андижон» жамоаси 12та учрашувда «Шўртан» дарвозасига 17та тўп киритиб, ўз дарвозасидан 10та ўтказиб юборган. Яна бир эътиборга молик жиҳати шундаки, ғузорликлар бирор марта ҳам «Андижон» майдонидан очко билан қайтмаган. Ўз навбатида жамоамиз «Шўртан» майдонида икки марта дуранг ўйнаган ва бир марта ғалаба қозонган. Нима бўлган тақдирда ҳам 20 июн куни барча мухлисларни «Соғлом авлод» стадионига чорлаймиз. Зеро, бу ўйин сира ҳам зерикарли ўтмайди.
2006 йил
1-давра
«Андижон» - «Шўртан» - 1:0
2-давра
«Шўртан» - «Андижон» - 3:1
2007 йил
1-давра
«Андижон» - «Шўртан» - 1:0
2-давра
«Шўртан» - «Андижон» - 2:1
2008 йил
1-давра
«Андижон» - «Шўртан» - 3:0
2-давра
«Шўртан» - «Андижон» - 0:1
2009 йил
1-давра
«Шўртан» - «Андижон» - 1:1
2-давра
«Андижон» - «Шўртан» - 2:1
2010 йил
1-давра
«Шўртан» - «Андижон» - 2:1
2-давра
«Андижон» - «Шўртан» - 2:1
2011 йил
1-давра
«Андижон» - «Шўртан» - 3:0
2-давра
«Шўртан» - «Андижон» - 0:0
Эслатиб ўтамиз, «Андижон» - «Шўртан» учрашуви 18.00да бошланади.
