"Ливерпуль" ярим ҳимоячиси Харви Эллиот АПЛнинг 2-турида "Кристал Пэлас" жамоасига қарши кечган ва 1:1 ҳисобидаги дуранг билан якунланган ўйин ҳақида фикр билдирди.
"Ушбу ўйиндан кўп ижобий нарсаларни олишимиз мумкин. Ҳеч бўлмаганда, “Фулхэм” жамоасига қарши ўйиндан кўра яхшироқ ўйнадик, дейишимиз мумкин" - деди Эллиот ўйиндан кейин берган интервьюсида.
Эслатиб ўтамиз, Англия Премьер-лигасининг янги мавсумини дастлабки икки турида "Ливерпуль" бирорта ҳам ғалабага эриша олмади. Бунгача "мерсисайдликлар" сафарда “Фулхэм” билан 2:2 ҳисобида дуранг ўйнаганди.
Кейинги турда Юрген Клопп шогирдлари кетма-кет икки мағлубиятга учраган "Манчестер Юнайтед" билан сафарда тўқнаш келишади.
