Европа чемпионатининг гуруҳ босқичига якун ясалди. Сўнгги турга келиб Англия ва Франция терма жамоалари чорак финал йўлланмасини қўлга киритишди.
Польша мусобақани қандай алам билан тарк этган бўлса, бугун Украина ҳам мана шундай алам билан тарк этмоқда.
Умуман олганда, Украинанинг вазифаси бироз мушкулроқ эканлиги аниқ эди. Украинлар сўнгги турда Англияга қарши саф тортишди ва бу ўйинда фақат ва фақат ғалаба қозонишлари шарт эди.
Биринчи бўлим бироз тенг курашлар остида кечган бўлса-да, ҳисоб очилмади.
Иккинчи бўлим бошида эса катта саҳнага инглизларнинг энг ишонгани - Уэйн Руни чикди. Дастлабки икки турни дисквалификацияси туфайли ўтказиб юборган ҳужумчи ажойиб комбинациядан кейин бўш қолган дарвозани ишғол этиб ҳисобни очди.
Украинлар шундан сўнг бутун жамоа бўлиб олдинга отланишди. Орада эса яна бир эсда қоларли вазият содир бўлди. Украинлар ҳужумчиси Марко Девичнинг зарбасидан сўнг тўп дарвоза чизиғини тўлалигича кесиб ўтгандек кўринди, аммо ҳакамлар бу вазиятда бошқача қарорга келишди. Шу онда тўртинчи ҳакам, яъни дарвоза ортидаги ҳакам нима учун керак деган савол туғилди, аммо бу саволга тайинли жавобни ҳеч ким топа олмади ҳалигача.
Англия ўйин оҳиригача ўз услубидаан воз кечмаган ҳолда ғалабани тантана қилди ва гуруҳда биринчи ўринни эгаллади.
Гуруҳнинг иккинчи ўйинида эса, Франция кутилмаганда аламзада шведларнинг қаттиқ қаршилига учрашди.
Ўйиннинг иккинчи бўлими бошларида Златан Иброҳимович жуда чиройли зарба билан ҳисобни очганда, мана шундай футболчи ва унинг терма жамоаси чорак финалга чиқа олмаганига афсусланганлар ҳам бўлгандир.
Французлар ҳар қанча ҳаракат қилишмасин, ҳисобни тенглаштиришнинг уддасидаан чиқаа олмадилар. Иккинчи бўлимнинг ҳакам қўшиб берган дақиқаларида эса Ларссон яна бир тўп киритиб ҳисобни 2:0 кўринишига олиб келди.
Швеция мусобақани тарк этган бўлса-да, сўнгги учрашувда мухлисларига қувонч бағишлашга муваффақ бўлишди. Франциядек кучли жамоа чиройли тарзда мағлуб этилгани ҳам шведлар учун юпанч вазифасини ўтаб берар балки....?
Евро-2012
D гуруҳи
3-тур
ШВЕЦИЯ – ФРАНЦИЯ 2:0 (0:0)
Голлар: Иброҳимович (54), Ларссон (90).
ШВЕЦИЯ: Исакссон, Гранквист, Мельберг, Ольссон, Март. Ольссон, Свенссон (Хульмен, 78), Чельстрем, Ларссон, Байрами (Вильхельмссон, 46), Иброҳимович, Тойвонен (Вернблум, 78).
ФРАНЦИЯ: Льорис, Дебюши, Рами, Мексес, Клиши, А. Диарра, Насри (Менез, 77), Мвила (Жиру, 83), Бен Арфа (Малуда, 59), Рибери, Бензема.
Огоҳлантиришлар: Свенссон (70), Хульмен (80) – Мексес (68).
АНГЛИЯ – УКРАИНА 1:0 (0:0)
Гол: Руни (48).
АНГЛИЯ: Жо Харт, Жонсон, Терри, Лескотт, Э.Коул, Жеррард, Паркер, Милнер (Уолкотт, 70), Эшли Янг, Руни (Окслейд-Чемберлен, 87), Уэлбек (Кэрролл, 82).
УКРАИНА: Пятов, Гусев, Хачериди, Ракицкий, Селин, Тимошук, Ярмоленко, Коноплянка, Гармаш (Назаренко, 78), Девич (Шевченко, 70), Милевский (Бутко, 77).
Огоҳлантиришлар: Жеррард (73), Э.Коул (78) – Тимошук (63), Ракицкий (74), Шевченко (86).
