"Реал" ярим ҳимоячиси Каземиро фаолиятини "Манчестер Юнайтед"да давом эттириш ниятида эмас, деб ёзади журналист Лукас Наваррете.
Манбанинг хабарига кўра, клуб ҳозирча мадридликларга бразилиялик футболчини трансфер қилиш бўйича таклиф билан чиққани йўқ, бироқ, агар "Манчестер Юнайтед" Каземирони сотиб олишга қарор қилса, футболчи рад жавобини беради.
Каземиронинг "Реал" билан амалдаги шартномаси 2025 йилнинг ёзига қадар мўлжалланган. Унинг трансфер нархи 40 миллион евро. "Реал Мадрид" билан биргаликда у 18 та совринни қўлга киритган.