"Наполи" "Тоттенхэм" ярим ҳимоячиси Тангуй Ндомбеле билан шартнома имзолаш борасида принципиал келишувга эришди, деб хабар беради Sky Sports. Футболчи Неаполь клубига ижара асосида ўтади.
Sky Italia хабарига кўра, 18 август куни 25 ёшли француз Италияда тиббий кўрикдан ўтади.
Аввалроқ “Наполи” футболчининг ижараси учун 1 миллион евро тўлаб, маошнинг катта қисмини ўз зиммасига олиши хабар қилинганди. Шунингдек, “Наполи” футболчини 2023 йилнинг июнь ойида 30 миллион евро эвазига сотиб олиш ҳуқуқига эга бўлади.
Ндомбеле тез орада "Наполи"дан "ПСЖ"га ўтадиган Фабиан Руиснинг ўрнини эгаллайди.
2021/22 йилги мавсумнинг иккинчи ярмида Ндомбеле “Лион” сафида ижара асосида ўйнади. У француз клуби сафида 15 ўйинда 1 гол ва 2 голли узатмани амалга оширди. Transfermarkt.com портали футболчини 30 миллион еврога баҳоламоқда.
