"Ливерпуль" ярим ҳимоячиси Наби Кейта ушбу трансфер ойнасида жамоани тарк этмаслик эҳтимоли катта, дея хабар беради Goal.
Манбага кўра, инглиз клуби 27 ёшли гвинеялик футболчининг агенти билан шу ой бошида музокара ўтказган ва улар яхши муносабатлар ўрнатишган. "Ливерпуль"нинг режаси ҳамон футболчи билан шартномани узайтириш.
Кейтанинг амалдаги шартномаси 2023 йилгача мўлжалланган. Transfermarkt портали футболчининг нархини 25 миллион еврога баҳоламоқда.
Кейта "Ливерпул"да 2018 йилдан бери ўйнаб келмоқда. Ўтган мавсумда у барча турнирларда 40 та ўйинда майдонга тушиб, 4 та гол урди ва 3 та голга ассистентлик қилди.