"ПСЖ"нинг аргентиналик ҳужумчиси Мауро Икарди фаолиятини АПЛда давом эттириши мумкин, дея хабар беради журналист Фабрицио Романо ўзининг Twitter саҳифасида.
Манбага кўра, футболчининг вакиллари унинг хизматларини "Манчестер Юнайтед" ва "Ньюкасл"га таклиф қилишган. Шу билан бирга, ҳужумчи бош мураббий Кристоф Галтье уни режаларига киритмаганига қарамай, "ПСЖ"ни тарк этишни истамаяпти.
29 ёшли Икарди ўтган мавсумда "ПСЖ" сафида 30 ўйинда атиги 5 та гол урди. Унинг клуб билан шартномаси 2024 йилнинг ёзига қадар мўлжалланган.