Килиан Мбаппенинг онаси ўғли ва бразилиялик ҳужумчи Неймар ўртасида юзага келган можаро ҳақида гапирди.
Яқинда "Монпелье"га қарши ўйин (5:2) якунланганидан сўнг, Неймар Килиан клубнинг доимий пенальти тепувчиси эканлигидан норозилигини билдирди. Бироз вақт ўтгач, Мбаппе бунга жавобан клуб раҳбариятидан рақибдан қутулишни сўради.
Килианнинг онаси Sport.es нашрига берган интервьюсида: "Клубда ҳаммаси ҳал бўлди, вазият ўз жойида" - деди.
Эслатиб ўтамиз, Мбаппе 2021/2022 йилги мавсум охирида "Реал"га ўтишга яқин эди. Томонлар узоқ вақт музокара олиб боришди, аммо якунда франциялик ҳужумчи Парижда қолишга қарор қилди.
