"Арсенал"нинг қанот ҳимоячиси Эктор Бельеринга Италия чемпионатидан даъвогар пайдо бўлди.

Инсайдер Жанлука ди Марционинг хабарига кўра, "Удинезе" 27 ёшли испаниялик футболчини ўз сафига қўшиб олмоқчи. Бельериннинг ўзи ҳам клубини ўзгартириш истагини яширмаяпти.

Экторнинг "канонирлар" билан амалдаги шартномаси келаси йилнинг ўрталарига қадар тузилган. Transfermarkt портали маълумотларига кўра, унинг трансфер нархи 20 миллион евро атрофида баҳоланмоқда.

Бельерин ўтган мавсумда "Бетис"да ижара асосида ўйнаганди. Ҳимоячи барча турнирларда 32 та жангда қатнашиб, ўз ҳисобига бешта голли узатма ёздириб қўйган.