"Arsenal"ning qanot himoyachisi Ektor Belyeringa Italiya chempionatidan da’vogar paydo bo‘ldi.
Insayder Janluka di Marsioning xabariga ko‘ra, "Udineze" 27 yoshli ispaniyalik futbolchini o‘z safiga qo‘shib olmoqchi. Belyerinning o‘zi ham klubini o‘zgartirish istagini yashirmayapti.
Ektorning "kanonirlar" bilan amaldagi shartnomasi kelasi yilning o‘rtalariga qadar tuzilgan. Transfermarkt portali ma’lumotlariga ko‘ra, uning transfer narxi 20 million yevro atrofida baholanmoqda.
Belyerin o‘tgan mavsumda "Betis"da ijara asosida o‘ynagandi. Himoyachi barcha turnirlarda 32 ta jangda qatnashib, o‘z hisobiga beshta golli uzatma yozdirib qo‘ygan.
