Александр Бородюк Москванинг “Торпедо” жамоаси бош мураббийи лавозимини тарк этди. Бу ҳақда клуб расмий сайтида маълум қилди. Ишдан бўшатишнинг асосий сабаби қониқарсиз натижалардир.
Эслатиб ўтамиз, Россия Премьер-лигасининг 5-туридан сўнг “Торпедо” бир очко билан турнир жадвалининг сўнгги ўрнида бормоқда.
"Торпедо" мураббийининг бўш ўрни учун фаворит Александр Кержаков бўлиб, у ўтган мавсумда "Пари НН" жамоасини РПЛда олиб қолишни уддасидан чиққан эди.
“Торпедо” РПЛдаги навбатдаги ўйинни сафарда амалдаги мамлакат чемпиони Санкт-Петербургнинг “Зенит” жамоасига қарши ўтказади.
Эслатиб ўтамиз, Москванинг "Торпедо" клубида ҳамюртимиз Ҳожимат Эркинов тўп тепади.
