“Рома” ҳужумчиси Николо Дзаньоло жамоаси билан янги шартнома имзолашга яқин турибди. Eurosport тарқатган хабарга қараганда, янги шартнома шартларига кўра, италиялик футболчи "жаллороссилар" таркибида энг кўп маош олувчи футболчилардан бирига айланади.
Дзаньолонинг "Рома" билан амалдаги шартномаси 2024 йилгача мўлжалланган. Унга кўра, ҳужумчи йилига 2,5 миллион евро маош олади. 5 йилга мўлжалланган янги шартномага кўра, Николонинг йиллик маоши 4-5 миллион еврони ташкил қилади. Шу тариқа, Дзаньоло ҳеч бўлмаганда энг кўп маош олувчи клуб футболчилари ўнталигига киради.
Дзаньоло ўтган мавсум А Серияда 2 та гол ва 2 та голли узатмага муаллифлик қилганди.
