“Roma” hujumchisi Nikolo Dzanyolo jamoasi bilan yangi shartnoma imzolashga yaqin turibdi. Eurosport tarqatgan xabarga qaraganda, yangi shartnoma shartlariga ko‘ra, italiyalik futbolchi "jallorossilar" tarkibida eng ko‘p maosh oluvchi futbolchilardan biriga aylanadi.
Dzanyoloning "Roma" bilan amaldagi shartnomasi 2024 yilgacha mo‘ljallangan. Unga ko‘ra, hujumchi yiliga 2,5 million yevro maosh oladi. 5 yilga mo‘ljallangan yangi shartnomaga ko‘ra, Nikoloning yillik maoshi 4-5 million yevroni tashkil qiladi. Shu tariqa, Dzanyolo hech bo‘lmaganda eng ko‘p maosh oluvchi klub futbolchilari o‘ntaligiga kiradi.
Dzanyolo o‘tgan mavsum A Seriyada 2 ta gol va 2 ta golli uzatmaga mualliflik qilgandi.
