"Брюгге" клуби ярим ҳимоячи Ханс Ванакенга яхшиланган шартлар билан амалдаги шартномани 2026 йилгача узайтирмоқчи.
29 ёшли бельгиялик футболчининг ўзи "Вест Хэм"га ўтишга қарши эмас.
"Брюгге" аввалроқ "болғачилар"нинг футболчини 10 миллион еврога сотиб олиш таклифини рад этганди. Тахминларга кўра, инглиз клуби Ванакенни ўз сафига қўшиб олишга ва яхшироқ шартларни таклиф қилишга ҳаракат қилишда давом этади.
Ўтган мавсумда ярим ҳимоячи Бельгия клуби сафида 50та ўйин ўтказиб, 15та гол ва 12та голга ассистентлик қилган, шунингдек, 2та сариқ карточка олган. Transfermarkt портали футболчининг нархини 16 миллион еврога баҳоламоқда.