"Bryugge" klubi yarim himoyachi Xans Vanakenga yaxshilangan shartlar bilan amaldagi shartnomani 2026 yilgacha uzaytirmoqchi.
29 yoshli belgiyalik futbolchining o‘zi "Vest Xem"ga o‘tishga qarshi emas.
"Bryugge" avvalroq "bolg‘achilar"ning futbolchini 10 million yevroga sotib olish taklifini rad etgandi. Taxminlarga ko‘ra, ingliz klubi Vanakenni o‘z safiga qo‘shib olishga va yaxshiroq shartlarni taklif qilishga harakat qilishda davom etadi.
O‘tgan mavsumda yarim himoyachi Belgiya klubi safida 50ta o‘yin o‘tkazib, 15ta gol va 12ta golga assistentlik qilgan, shuningdek, 2ta sariq kartochka olgan. Transfermarkt portali futbolchining narxini 16 million yevroga baholamoqda.
