"Наполи" "Верона" ҳужумчиси Жованни Симеоне билан шартнома имзолаганини эълон қилди.

Неаполликлар 27 ёшли аргентиналик футболчини 2022/23 йилги мавсум охиригача ижарага олишди, агар футболчи жамоада ўйнаб, маълум кўрсаткичларга эришса, футболчини сотиб олиш мажбурийга айланади.

Журналист Фабрицио Романонинг хабарига кўра, "Наполи" форварднинг ижараси учун 3,5 миллион евро тўлайди, сотиб олиш бандида кўрсатилган сумма 12 миллион еврони ташкил қилади.

Симеоне ўтган мавсумда "Верона" таркибида 35 ўйинда 17 та гол урди ва 6 та голли узатмани амалга оширди. Transfermarkt.com портали ҳужумчининг нархини 17 миллион еврога баҳоламоқда.

Жованни Симеоне Аргентина, “Интер” ва “Лацио”нинг собиқ ҳужумчиси, ҳозирда “Атлетико” бош мураббийи Диего Симеоненинг ўғли ҳисобланади.