"Реал Сосьедад"нинг собиқ ҳужумчиси Аднан Янузай Англияга қайтмоқчи. 1 июль куни футболчининг испан клуби билан шартномаси ниҳоясига етди.
Журналист Саша Тавольерининг хабарига кўра, 27 ёшли бельгиялик "Эвертон" билан шартнома имзолаш мақсадида қолган барча вариантлардан воз кечган.
Янузай аввалроқ Англияда "Манчестер Юнайтед" ва "Сандерленд"да ўйнаган.
Ўтган мавсумда бельгиялик футболчи 44 учрашувда 5 та гол урди ва 3 та голли узатмани амалга оширди.