"Арсенал" бош мураббийи Микель Артета ярим ҳимоячи Букайо Саканинг шартномаси борасидаги вазият ҳақида гапирди. Эслатиб ўтамиз, футболчи ва "канонирлар" ўртасидаги амалдаги келишув икки йилдан сўнг якунига етади.
"Ишончим комилки, клуб ва Букайонинг атрофидагилар ҳамкорликни давом эттиришни хоҳлашмоқда. Томонлар деярли келишувга эришдик, фақатгина имзо чекишгина қолди. Мавсум давомида футболчилар чалғимаслиги учун бу вазиятни имкон қадар тезроқ ҳал қилмоқчиман, аммо бу вақт талаб этади”, - деди Артета матбуот анжуманида.
Эслатиб ўтамиз, ўтган мавсумда Сака Англия Премьер-лигасида 11 та гол урди ва 7 та голли узатмани амалга оширди. Футболчи 2018/19 йилги мавсумдан бери "канонирлар" сафида тўп сурмоқда.
