"Лестер" ҳимоячиси Уэсли Фофана клуб раҳбариятидан ўзини "Саутгемптон"га қарши АПЛнинг 3-тури доираси бўлиб ўтадиган учрашув қайдномасига киритмасликларини сўраганлиги ҳақида The Athletic хабар тарқатмоқда.
Олдинроқ 21 ёшли Фофана фаолиятини Лондоннинг “Челси” жамоасида давом эттириши мумкинлиги ҳақида хабар берилганди, бироқ “тулкилар” бош мураббийи Брендан Рожерс футболчи билан хайрлашиш нияти йўқлигини маълум қилганди. "Кўклар" келишувни якунлаш учун 95 миллион евро тўлаши кутилмоқда, бу эса "Лестер" футболчисини футбол тарихидаги энг қиммат ҳимоячига айлантиради.
Фофананинг "тулкилар" билан амалдаги шартномаси 2027 йилнинг ёзига қадар тузилган. Transfermarkt портали Франция ёшлар терма жамоаси футболчисини 40 миллион еврога баҳоламоқда.
Эслатиб ўтамиз, "Лестер" - "Саутгемптон" учрашуви 20 август куни бўлиб ўтади. Бошланиши Москва вақти билан 17:00 да.
