"Lester" himoyachisi Uesli Fofana klub rahbariyatidan o‘zini "Sautgempton"ga qarshi APLning 3-turi doirasi bo‘lib o‘tadigan uchrashuv qaydnomasiga kiritmasliklarini so‘raganligi haqida The Athletic xabar tarqatmoqda.

Oldinroq 21 yoshli Fofana faoliyatini Londonning “Chelsi” jamoasida davom ettirishi mumkinligi haqida xabar berilgandi, biroq “tulkilar” bosh murabbiyi Brendan Rojers futbolchi bilan xayrlashish niyati yo‘qligini ma’lum qilgandi. "Ko‘klar" kelishuvni yakunlash uchun 95 million yevro to‘lashi kutilmoqda, bu esa "Lester" futbolchisini futbol tarixidagi eng qimmat himoyachiga aylantiradi.

Fofananing "tulkilar" bilan amaldagi shartnomasi 2027 yilning yoziga qadar tuzilgan. Transfermarkt portali Fransiya yoshlar terma jamoasi futbolchisini 40 million yevroga baholamoqda.

Eslatib o‘tamiz, "Lester" - "Sautgempton" uchrashuvi 20 avgust kuni bo‘lib o‘tadi. Boshlanishi Moskva vaqti bilan 17:00 da.