"Тоттенхэм" ҳужумчиси Харри Кейн ижтимоий тармоқда мухлислар саволларига жавоб берар экан, ўзи учун энг ноқулай ҳимоячиларни айтди.
“Эҳтимол, бир нечта ҳимоячиларга қарши ўйнаш қийин бўлган. Ўйлашимча, фаолиятимнинг бошида Жон Терри менга ҳақиқий бошоғриқ бўлган.
У жуда ақлли ҳимоячи, у қандай позицияни эгаллашни, мени қандай тўхтатишни биларди, шунинг учун бу ажойиб тажриба бўлди.
Кьеллини Италия ва "Ювентус"да ҳам шундай бўлган ва яна ақлли ва жисмонан кучли эди, шунинг учун иккаласи ажралиб туради", дейди Кейн.
29 ёшли англиялик футболчи барча мусобақаларда 467 та ўйинда майдонга тушиб, 276 та гол урган.
