УЕФА ҳакамлар қўмитаси раҳбари Пьерлуижи Коллина, Украина-Англия терма жамоалари ўртасидаги ўйинни бошқариб борган венгриялик ҳакам Виктор Кашшаи бошчилигидаги ҳакамлар бригадасининг ишига ўз муноасабатини билдириб ўтди.
"Бундан тўр йил олдин биз жорий қилган қарор кейинчалик ўзини оқламади.
Ўша қарорга кўра, турнир давомида бош ҳакамнинг бирор ёрдамчиси ҳатога йўл қўйгудек бўлса, бутун ҳакамлар бригадаси жазога тортилар эдилар.
"Аммо орадан вақт ўтиб бу қарор нотўғри эканини тушуниб етдик. Агар бош ҳакам ўйинни жуда яхши бошқарса, аммо унинг ёрдамчиларидан бири ҳатога йўл қўйса бутун бригадани жазолаш адолатдан эмас. Нима учун ёрдамчи йўл қўйган ҳато учун бош ҳакам жабр кўриши керак?"
"Айнан шунинг учун ҳам ҳакамлар қўмитаси ЕВРО-2012 олдидан шундай қарорга келди. Энди шундай ҳолат қайд этилгудек бўлса, ўша ҳатога йўл қўйган ёрдамчи ҳакамга жавоб берилади, аммо бош ҳакам мусобақани давом эттираверади.
"Мана масалан, чорак финалининг илк ўйинида англиялик Ховард Уэббга голландиялик бошқа бир ҳакам қанотда ассистентлик қилади. Чунки унинг ёрдамчиси аввалги учрашувда ҳатога йўл қўйгани учун, плей-офф баҳсларида иштирок этиш учун тасдиқдан ўта олмади.
"Украина ҳамда Англия терма жамоалари ўртасидаги учрашувга қайтадиган бўлсак, шуни аниқ қайд этишим керакки, ҳисобга олинмаган гол учун Виктор Кашшаи жавобгар эмас. У ўша вазиятда қандай қилиб баҳо бера оларди? Унга ёрдамчилари, қанотдаги ёки чизиқ ортидаги ҳакам ўша вазиятда ёрдам бериши керак эди. Аммо бундан бўлмади.
"Шундай бўлса-да, Виктор Кашшаини ушбу мусобақада бошқа ҳакамлик
қилмайди. Биз шундай қарорга келдик. Украина-Англия ўйинидан кейин унга ташқаридан ҳаддан зиёд босим кучайди. ЕВРО-2012 да яна бир ўйинни бошқариши унинг учун жуда қийинчилик туғдириши мумкин эди. Шунинг учун ҳам Кашшаини мусобақадан четлатилган ҳакамлар рўйхатига киритдик.
"Аммо бир нарсани аний айта оламан - Кашшаи ҳозирги кунда дунёнинг энг кучли ҳакамларидан биридир. У икки йил олдин ЕЧЛ финалини бошқарган. Бу йили ҳам ЕЧЛда биттаа ярим финални бошқарди. Бу мусобақада Италия ҳамда Испания терма жамоалари ўртасидаги ўйинни ҳам жуда яхши бошқариб борди." дея Коллинанинг сўзларидан парча келтирмоқда УЕФА матбуот хизмати.
