"Манчестер Юнайтед" трансфер ойнасининг сўнгги ҳафтасида "Барселона" ярим ҳимоячиси Френки де Йонгни ўз сафига қўшиб олишга ҳаракат қилади, деб хабар беради Yahoo! Sport.
Аввалроқ каталонияликлар 25 ёшли ярим ҳимоячидан маошини 50 фоизга камайтиришни ёки клубни тарк этишини талаб қилаётгани хабар қилинганди.
Де Йонг ўтган мавсумда каталонияликлар сафида барча турнирларда 46 ўйинда 4 та гол урди ва 5 та голли узатмани амалга оширди. Нидерландиялик футболчининг клуб билан шартномаси 2026 йилнинг 30 июнига қадар амал қилади.













